كلاب

ما هو علاج الإسهال في الكلاب؟؟

ايه أهم أسباب الإسهال في الكلاب؟؟

سبب الاسهال عند الكلاب..خلينا في المقال ده نتكلم عن أهم أسباب الإسهال في الكلاب وازاي الدكاترة البيطريين بتقوم بتشخيصه .

ولكن خلينا نتفق أن الإسهال عرض مش مرض ….واللي بيسببه حاجات كتيرة جدا …. ومش دايما بيكون حاجه سهله أوقات الأمور بتبقى صعبه لدرجه ممكن توصل للجفاف.

ايه هو سبب الاسهال عند الكلاب؟؟

من المهم جدا نكون عارفين الأسباب علشان ده هيساعدنا في الوصول لعلاج الإسهال

  1. الديدان بكافه أنواعها(الشريطية -الدبوسية-الخطافية)
  2. العدوى بكتيرية أو الفيروسية
  3. عدم النظام في الأكل(المواعيد والكميات ونوعية الأطباق اللي بيتقدم فيها الأكل)
  4. ألتهاب الجهاز الهضمي
  5. بعض الأدوية (بعض أنواع من المضادات الحيوية ومضادات الألتهاب وأدوية القلب)
  6. التغيير من نوع أكل للتاني
  7. في بعض أوقات القلق والتوتر عند الكلاب

كيف يساعد تشخيص الطبيب في علاج الإسهال  ؟؟

ايا كان سبب الاسهال عند الكلاب الدكتور محتاج ياخد تاريخ مرضي سليم للكلب ويعمل الكشف الطبي اللازم .

وعلشان يوصل لعلاج الإسهال في الكلاب  بيحتاج ياخذ عينه من الدم أو البراز أو البول للتحليل على حسب هو شاكك في اي سبب..ودي حاجه هو هيناقشها معاك بالتأكيد.

ممكن الأمر يوصل للاشعه والسونار …في أوقات كتير الأسهال بيبقى شديد والسبب بسيط جدا .

مثلا أن الكلب أكل بس حاجه مش نضيفة ومن هنا يجي وظيفة الدكتور أنه يحدد السبب الرئيسي المسبب للإسهال في الكلاب .

ما هو علاج الإسهال في الكلاب ؟؟ سبب الاسهال عند الكلاب

لما نعرف السبب هنقدر نعرف علاج الإسهال في الكلاب .. في كثير من الأحيان بيكون السبب بسيط ومحتاج بس نظبط الأكل.

وممكن نحتاج معاه بعض الأدويه اللي بتحتوي على الكاولين والبكتين واللي بيوصفها الطبيب البيطري على حسب الحاجه وبالجرعة المحددة.

تحسين نوعية الأكل وكميته ومواعيده والأطباق اللي بيتحط فيها (يفضل الاستانلس ستيل) من الحاجات اللي بتساعد في علاج الإسهال بشكل كبير.

 كل المعلومات دي اللي هيقدر يساعدك فيها هو الطبيب البيطري اللي حيوانك بيتعالج معاه. سبب الاسهال عند الكلاب

ممكن الطبيب كمان يحتاج يوصف بعض الأدويه اللي بتقلل من الألتهاب أو بتحسن من حركة الأمعاء أو بتمنع القئ على حسب الأعراض المصاحبة للأسهال.

أمتى أحتاج أروح للطبيب البيطري؟؟ سبب الاسهال عند الكلاب

لو الإسهال فضل مستمر لمدة أكثر من 24 ساعة أو فيه دم أو لونه غامق يميل للسواد

لو الحيوان بطل ياكل…وحسيته همدان مش بيتحرك

أو لو الإسهال مصحوب بقئ متستناش ل24 ساعه وحاول تروح في اقرب وقت لأن ده معناه ان الموضوع خطير.

وممكن يكون محتاج لمحاليل كخطوه أولى في علاج الإسهال

لمعرفة أهم تطعيمات الكلاب من هنا

المصادر:

https://www.petmd.com/dog/emergency/common-emergencies/e_dg_diarrhea

مقالات ذات صلة