كلاب
أخر الأخبار

علاج القراد والبراغيث عند الكلاب

ايه هي مخاطر القراد والبراغيث على اليفك

علاج القراد والبراغيث عند الكلاب كيف تحمي اليفك من الحشرات ؟؟علاج القراد والبراغيث عند الكلاب

الصيف داخل وكثير من المربيين بيكون عندهم رعب من القراد والبراغيث غير ان شكلهم فعلا مقزز ..لكنهم كمان بيأثروا على صحه أليفهم بشكل كبير جدا ..في البوست ده هنعرفكم  القراد والبراغيث عند الكلاب

  • ايه هي مخاطر القراد والبراغيث عند الكلاب 
  • ازاي تعمل وقايه لأليفك ولبيتك من أنه يجيله حشرات 
  • وازاي تعالج أليفك لو لقيت عليه حشرات
  • وايه هي أهم الأدويه المستخدمه في الوقايه والعلاج ا

ليه وجود حشرات على اليفك شئ خطر

  • القراد أو البراغيث لما بتمسك في أليفك فهي علشان تمص دمه عمليه مص الدم دي مضره من الناحيتين بمعني أنها بتسببله أنيميا وثانيا والقراد لما بيمص الدم  بينزل بعض الطفيليات في مجري الدم فتنقل لأليفك بعض طفيليات الدم زي البابيزيا والأريليخيا وممكن كمان بيض الديدان ودي اللي بتنقلها في اغلب الوقت البراغيث . القراد والبراغيث عند الكلاب
  • طفيليات الدم دي اغلبها بيأثر على وظائف الكبد بشكل كبير وممكن تسبب فشل كبدي وفي بعض الحالات بيحصلها وفاة بسببها.
  • وطبعا مش محتاجين نقول الديدان بتعمل ايه في أليفك من سقوط شعر وخسسان وفقدان شهيه وممكن توصل لأنسداد الأمعاء بالديدان.
  • مش بس كده الحشرات دي بتخلي اليفك يهرش فتعمله حساسيه وحساسيه شديده ممكن تؤدي لسقوط الشعر بعض الحالات الشعر بيقع تماما .
  • القراد كمان وهو بيمص الدم بينزل ماده سامه في الدم ممكن تعمل تسمم لكلبك وبعض الحالات بيجلها شلل بسبب سم القراد.

و نحمد ربنا ان القراد اللي موجود في مصر بيصيب الكلاب فقط مش بيجي كمان في البشر زي بعض أنواع القراد في أمريكا والا كان نقلنا انواع كتير من طفيليات الدم من الكلاب لينا…لكن طبعا لازم ناخد حذرنا حرصا على حياة أليفنا.

طيب أزاي أعمل وقايه لحيواني الأليف من الحشرات:علاج القراد والبراغيث عند الكلاب

الكلام اللي فوق يخوف مش كده ..علشان كده مع دخول الصيف لازم أخد حذري وبشده وأعمل أجراءاتي الوقائية.

  1. لو عندك جراوي او قطط صغيره دايما تمشي أيدك عليها كل يوم وتفحص ما بين الشعر وتشوف فيه براغيث ولا لا ويكون معاك زي الفلايه كده علشان لو في حاجه تطلع فيها القراد والبراغيث عند الكلاب

طب أنا هعرف البراغيث منين ..هتلاقيها حشره صغيرة جدا وبتطلع تجري كده وبتتحرك بسرعه موجوده في الرقبه من ورا أو عند الديل ..لو ملقتهاش هلاقي الحمام بتاعها بيكون لونه بني محمر ولازق في الشعر الموضوع هيبقى صعب شويه لو شعر اليفك اسود لكن هتقدر تلاحظه بسهوله على الجلد وخاصه لو كان أليفك بيهرش بشكل مستمر  وده فيديو بيوضح شكل البراغيث وازاي تدور عليها في أليفك.القراد والبراغيث عند الكلاب

https://www.youtube.com/watch?v=vwMqhO-BnTc

بالنسبه للقراد بتكون حشره أكبر شويه والأناث أكبر من الذكور لأنها بتبقى شايله البيض وبتمص دم أكثر علشان تغذى البيض ده بتبقى موجوده في ثنيات الجلد جوه الودان والجلد اللي تحت الأبط والفخد من الداخل وبين الصوابع وده فيديو بيوضح شكلها وتدور عليها فين.  

https://www.youtube.com/watch?v=Tto1NIC4sjc

  1. مهم جدا تدي لأليفك جرعه الحشرات كل شهر واللي بتكون عباره عن أمبولات على حسب الوزن والعمر واللي بيحددها الطبيب البيطري وممكن تستبدلها بطوق مضاد للحشرات بيتلبس لمده ست شهور  ووظيفته انه يعمل وقايه.القراد والبراغيث عند الكلاب
  2. بالنسبه لتنضيف المكان افضل الحلول هو رش الديازنون بيتحل سم علي لتر ميه هتلاقيه في اي عياده بيطري بس نخلي بالنا لان الماده دي سامه لما ننضف  لا الكلاب ولا القطط تبقى موجوده في المكان اصلاواحنا نكون لابسين جوانتيات وكمامه لو بنشرب سجاير ملوش لزمه خالص ساعه الرش علشان ميحصلناش احنا تسمم بنخلي في كميه في بخاخ ونرش علي الابواب الخشب والحيطان وفي الشقوق علشان لو في اي حشره تموت بنسيب الرش والميه اللي فيها ديازنون علي الارض ساعه او ساعتين وبعدين بنشطف بميه كتير.
  3. حاول متسبش كلبك  او قطتك في الشارع او في الجنينه او فوق السطح فترات طويله لانه كده بيكون عرضه انه يجيله حشرات الا لو بتنضف الاماكن دي بشكل شهري او كل اسبوعين بالماده اللي اتكلمنا عليها فوق.القراد والبراغيث عند الكلاب

القراد والبراغيث عند الكلاب

طيب أزاي بقى أعالج كلبي أو قطتى لو لقيت عليهم حشرات:القراد والبراغيث عند الكلاب

  1. بالنسبه للكلاب لو العدوي شديده اوي ممكن ندي حقن اسمها ايفوماك على حسب وزن كلبك والكلب بيستحمي بحمام طبي بماده الديازنون اللي اتكلمنا عليها فوق ولأنها سامه يفضل الحمام ده  والأبره اللي تعمله العياده البيطريه لأنهم هيبقى ليه صرفتهم أن الكلب ميلحسش نفسه ولا ياخد جرعه زياده من الحقنه. مع متابعه الدكتور البيطري في بروتكول العلاج اللي هيحدده لكن حاله بتختلف عن التانيه …الايفوماك مينفعش نديه قبل سن ست شهور لأنه بيأثر على الكبد .
  2. لو الحاله بسيطه واحده او اثنين يفضل برضه ندي حمام طبي ومعاه امبول للحشرات زي البارس او الأدفانتكس او الريفليوشن 
  3. بالنسبه للقطط أغلب اللي بيجلهم هو البراغيث أفضل حل للقضاء عليها هو الأومني جارد والرفيلوشن كمان ممتاز ونفس الكلام على الكلاب

طب يا تري الأدويه اللي ممكن أستخدمها في علاج الحشرات على الحيوان الأليف اسماءها ايه؟؟ 

في الريفليوشن والبارس والأدفانتكس  وسيرجنت ودول بيكونوا أمبولات ممتازين أكتر في علاج البراغيث وبعدين القراد.

أمبولات البارس ممتازه في علاج القراد | الرش أو الأسبراي زي الأومني جارد بتشتغل على الأثنين وامنه حتى للقطط والكلاب من عمر يوم وفي الحمل كمان.

في كمان الأطواق المضاده للبراغيث والقراد ودي بتكون للوقايه لو نفذنا شروط الوقايه اللي اتكلمنا عليها فوق.

كمان الشامبوهات الخاصه بالبراغيث والقراد هي مش بتعالج ولكن كمان كوقايه زيها زي الأطواق ومفيده جدا مع اتباع شروط الوقايه.

وأخيرا حقن الأيفوماك اللي اتكلمنا عليها قبل كده أختر الطعام المناسب لكلبك مقاله تتكلم عن الطعام المناسب للأكلب وافضلهم الأنواع حسب العمر 

هتلاقوهم كلهم في اللينك ده 👇👇

https://bit.ly/2Jm0fmc

مقالات ذات صلة