طب وصحةطعام وتغذيةكلاب

هل السكر مضر للكلاب؟؟

تعرف على أضرار السكريات على اكلاب

 هل السكر مضر للكلاب ؟؟ ولا دي إشاعه؟؟

 هل السكر مضر للكلاب ؟؟ كثير من مربي الكلاب ..من كتر حبهم لكلابهم بيحبوا يشاركوا معاهم الأكل اللي بيحبوه زي الحلويات بكافه أنواعها زي الجاتوه والكيكه زالشيوكلاته والعنب مثلا.

بس الطريقة دي في الحب غلط جدا وبتضر كلبك أكثر ما بتفيده  ….. في المقالة دي هنقولك هل السكر مضر للكلاب ولا لا ؟؟ وأنهي نوع من السكريات ممكن تديهوله؟؟

 ما هي السكريات الآمنة للكلاب ولا تضر البنكرياس؟؟

الكلاب بتأكل كل يوم في وجبتها سكريات من مصدرها اللي هو الكربوهيدرات زي البطاطس والأرز وبعض الفواكه كمكافأت

واللي بيتحولوا لما يتهضموا لسكر الجلوكوز وفركتوز علشان يدوها طاقة وفوائد تانية كتير

واللي بينظم العمليه دي هو الأنسولين اللي بيخرج من البنكرياس.

بس اللي مينفعش أديه لكلابي سكريات زي الأيس كريم والشوكولاته مثلا

اللي غير أنهم ملهمش فايدة تذكر هما كمان مضرين على المدى القريب والبعيد….ومن أهم اضرارهم:

 هل السكر مضر للكلاب فعلا وما هي أضراره؟؟

  1. اضطراب المعدة

الكلاب بتعتمد في هضم الأكل على بعض أنواع البكتريا والكائنات الدقيقة التانية أكل الحلويات بشكل مستمر بيعمل لغبطة للبكتريا دي

وبالتالي بتأثر على عملية الهضم واللي ممكن تخلي الكلب يعمل إسهال في بعض الأحيان مصحوب بدم أو قئ.

2. التسمم

بعض الحلويات زي الشوكولاته بتعمل تسمم وكل ما كانت dark  كل ما كانت نسبة التسمم أعلى

وده علشان مادة الtheobromine   واللي الكلاب مبتعرفش تتعامل معاها في عملية الهضم فبتؤدي للقئ والأسهال اللهث تسارع ضربات القلب تقلص العضلات اللي ممكن يوصل للتشنجات.

3. تسوس الأسنان

البكتريا اللي موجوده في الفم بتستخدم السكريات اللي الكلب بيأكلها علشان تطلع أحماض.

الأحماض دي بتساعد على خسارة الأملاح اللي موجوده في طبقه الenamel  اللي بتغطي الأسنان و بالتالي التسوس.

(علشان كده بننصح دايما بزيارة الطبيب البيطري لعمل كشف دوري على الأسنان وتنضيفها لو تطلب الأمر…وطبعا غسل الأسنان بالمعجون الخاص بالكلاب

ولو مكنش ممكن يبقى بقطنه وعليها غسول أسنان ونعدي على الأسنان كلها)

4. زيادة الوزنهل السكر مضر للكلاب

ومش دايما زيادة الوزن شئ صحي ….لأن الزيادة اللي نقصدها هنا هي السمنة ..

ودا لأن السكريات لما بتتهضم الجزء اللي ملوش استخدام في الوقت الحالي بيتحول لدهون علشان يتخزن لوقت الحاجة.

والسمنة ليها مشاكل كتير زي مشاكل القلب والمفاصل صعوبة التنفس وده كله هيؤدي لأن الكلب مش هيعرف يلعب  أو يتحرك وهيفقد طاقته بشكل عام .

5.مرض السكر

مع الأستمرار في أكل الحلويات وخروج الأنسولين من البنكرياس بشكل كبير الخلايا مبتقاش قادره تتعامل مع الكميه الكبيره دي

 فده يخلي البنكرياس يضعف وينتج كميات قليلة أو يوقف أنتاجه خالص ويبقى كلبي مريض سكر ومحتاج أنسولين خارجي.

لسه محتاج تعرف السكر مضر للكلاب ولا لا؟؟

 تعرف  على النظام الغذائي المناسب للكلاب من هنا

مصدر المقالة: https://www.petmd.com/dog/slideshows/6-reasons-why-your-dog-shouldnt-have-sugar

مقالات ذات صلة