كلاب

تطعيمات مهمة لتحصين كلبك

أهم الأمراض التي يجب عليك تحصين كلبك ضدها

أهم الأمراض التي يجب عليك تحصين كلبك ضدها

تطعيمات الكلاب واحدة من أهم حاجات كثيرة بتشغل بال كثير من المربيين وخاصه اللي بيربوا لأول مره .

وده لأن أول كام شهر في حياة الكلب بتبقى حافلة وبيتوه وسط التفاصيل الكثيرة من الأسرة الجديدة من البشر اللي بيتحط   وسطها …للبيت الجديد اللي محتاج يتعود عليه.

وسط كل ده أحنا محتاجين نحافظ على صحته ونعرف ايه أهم تطعيمات الكلاب اللي هو محتاجها.

ما هي أهم تطعيمات الكلاب ؟؟

بتختلف المسميات من بلد لبلد وعلى حسب الشركات المنتجة

ولكن التطعيمات لازم تكون مغطية المجموعة دي من الفيروسات زي( بارفو – ديستمبر – ادينو 1 – ادينو 2 – بارا انفلونزا ).

في كمان فيروس الكورونا واللي موجود في بعض أنواع التطعيمات

لكن منظمات عالمية زي ال AAHA  وال WSAVA  بقى بالنسبالها غير موصى به.

بكتيريا اللبتوسبيرا اللي موجوده كمان في بعض التطعيمات يفضل نديها لو الكلب متربي في مزرعة ومعرض انه يدوس على بول حيوانات أخرى تكون مصابة بالـ ليبتوسبيرا.

أشهر أسامي التطعيمات في مصر مثلا : هي الثنائي الخماسي والسباعي والثماني.

من أهم التطعيمات كمان هو تطعيم السعار .

وهو تطعيم بفيروس غير حي ضد واحد من أخطر الأمراض وبيتأخد بصوره منفصله عن باقي التطعيمات اللي ذكرناها سابقا.

أمتى المفروض أطعم الكلب بتاعي؟؟

السؤال ده أجابته معتمدة على أجابة اسئلة تانية زي :

  • هل الكلب ده موجود في بيت ولا في مزرعة

أهم تطعيمات الكلاب

لو موجود في بيت ممكن ابتدي من عمر شهر ونص ….لو موجود في مزرعة وخايف أنه يكون متوطن فيها أمراض زي البارفو والديستمبر مثلا ودي أمراض مشهوره لمربيين الكلاب ممكن نبتدي نطعم ضد المرضيين دول عند عمر 28 يوم.

ونفس الشئ لو أنا من المربيين ولكن في مكان صغير وعندي عدد كبير من الجراوي.

  • هل الكلب أخد مناعة من الأم عن طريق الرضاعة أو لا

هل الكلب أخذ مناعة من الأم عن طريق الرضاعه ولا لا….الموضوع ده مهم جدا لأنه بيفرق حتى في مناعة الكلب بعد كده .

ولأن كمان في بعض التطعيمات للكلاب بتعارض المناعة الأمية .

لو الكلب واخد مناعه أميه ممكن نبتدي عند عمر شهر ونص

لو مكنش واخد مناعة أميه وأنا قلقان لأنه موجود في مزرعة أو بيت في كلاب كتير وخايف يتنقله العدوى ممكن ندي اول تطعيم عند عمر 28 يوم.

تطعيم السعار ممكن نبتدي ندية عند عمر 3 شهور ويكرر بعد سنة أو ثلاثة على حسب كل بلد وتوطن مرض السعار فيها.

أكتر شخص يقدر يساعدني في وضع جدول تطعيمات الكلاب هو الطبيب البيطري وده بعد الفحص العام للحالة وتوضيح التاريخ الصحي للجراوي وللأم.

جدول تطعيمات الكلاب

ممكن نشوف الجدول ده كمثال لبداية تطعيم الجراوي ولكن زي ما اتفقنا كل حالة مختلفه عن التانية.

هل أهم التطعيمات للكلاب امنة ولا لا؟؟

في أغلب الأحيان التطعيمات الأساسية وتطعيم السعار اللي ذكرناهم سابقا هي تطعيمات أمنه بنسبة كبيرة جدا لمعظم الجراوي.

والفايدة منهم أكبر من الخطر اللي ممكن يسببوه لأنهم بيحموا ضد مجموعه من الأمراض الخطيرة اللي بعضها قد يؤدي للوفاة أو بيترك تشوهات للجرو بتفضل معاه طول عمره.

التطعيمات الغير أساسية هي كمان أمنه …ولكن لو كان كلبك مش في حاجه إليها يستحسن ميخدهاش.

التطعيمات بيتم تصنعيها وتطويرها وترخيصها من 50 سنه علشان تكون أكثر أمنا (سجلات الأمان ليها عالية جدا) وليها تاثير فعال.

مع ذلك لا يمنع أن التطعيمات هي منتجات حيوية قد يكون لها بعض الأثار الجانبية -بغض النظر عن العمر- واللي في الغالب بتكون بسيطة ويمكن السيطرة عليها.

لو كان الكلب عيان لاينصح بالتطعيم …وده لأن التطعيم بيحفز الجهاز المناعي السليم أنه يطلع أجسام مضادة .

في حالة المرض الجسم مشغول بمواجهه ميكروب تاني فبالتالي التطعيم هيكون ملوش أهمية غير أنه ممكن يسبب ضرر لأن  بعض التطعيمات بتحتوى على فيروسات حية.

أهم تطعيمات الكلاب

هل تطعيمات  الكلاب غالية؟؟

الموضوع بيختلف من بلد لبلد ومن عيادة لعيادة ولكن بعض العيادات بتضم ثمن التطعيم مع ثمن الكشف

والبعض الأخر بيعمل عروض لمجموعة التطعيمات … أعرف أقرب عيادة ليك فين  وشوف العروض اللي بيقدموها .

تتراواح أسعار التطعيمات ما بين ال 150 وال 250  جنيه للتطعيم الثماني والخماسي

ويتراوح سعر تطعيم السعار ما بين ال70 وال 130 جنيه على حسب بلد المنشأ دي أسعار التطعيمات في مصر.

طب هل ينفع اأجل جرعات التطعيم للكلب؟؟

التطعيمات ليها جدول اللي بيحدده هو الطبيب البيطري ومن المفروض أن التطعيمات الأساسية متأجلش منها ولا جرعة.

الجدول ده محدد علشان يحمي كلبك من أمراض مميتة أو بتسبب أمراض خطيرة وليها أعراض جانبية ممكن تفضل مع كلبك عمره كله.

المناعة الأمية بتنتهي عن عمر 3شهور ونص ل4 شهور والسبب اننا بندي التطعيمات دي لأن المناعة الأمية بعد فتره بتضعف وبتختفي.

لو خايف من الأثار الجانبية لتطعيم معين أو جروك عنده حساسية منه أتكلم مع الطبيب البيطري المختص بحالة جروك واتناقشوا في المخاطر مقارنة بالفوائد ….وشوفوا الأنسب للحالة.

بالنسبة للكلاب الكبيرة اللي فقط بتاخد جرعات تنشيطية كل سنه لو محتاج تأجل الجرعة ممكن تعمل تحليل تشوف نسبة الاجسام المضاده لو هي مرتفعه ممكن تأجل التطعيم.

تحليل الأجسام المضادة متاح لفيروسات البارفو والديستمبر والأدينو والسعار.

للتعرف على أسباب تساقط الشعر في الكلاب من هنا 

مقالات ذات صلة