اخبار عالمية

رجل أنقذ كلب من الموت المحقق أثناء تعلقه بالأسانسير

أنا جسمي كله بيتنفض, أنا أنقذت كلبة بسلسله

رجل ينقذ كلب من الاختناق بالسلسلة أثناء انغلاق المصعد

رجل تم شكره لتفكيره السريع لأنه أنقذ كلب من الموت المحقق بسبب تعلق السلسلة الخاصة بالكلبة في باب الأسانسير أثناء أنغلاقه.

جوني ماثيز اللي استرجع الاحداث مع الناس بتغريدة على تويتر لما عمل مشاركة لفيديو الأمن اللي كان متسجل في بيته وبيوضح الحادثه

“أنا جسمي كله بيتنفض, أنا أنقذت كلبة بسلسله واللي ملحقتش تدخل الأسانسير مع صاحبتها قبل ما الباب يقفل

….فجأه لقيت باب الأسانسير بيتقفل والكلبة بتترفع مع الأسانسير و أنا أبتديت اشيل السلسله في الوقت المناسب”

واستكمل الكلبة ابتدت تصرخ اول ما الباب أتقفل وعينها كانت ابتدت تخرج بره لحد ما قدرت انزلها تاني

الفيديو بتاع ماثيز تم مشاهدته 16 مليون مرة واللي يوضح أن صاحب الكلبة البوميرينيان دخل وسبق كلبته بكام خطوة.

وبعد ما باب الأسانسير أتقفل ماثيز جري وحاول يشيل الطوق بالسلسة من على رقبة الكلبة.

ورجع ماثيز وغرد على تويتر “أنا كان لازم أنقذ الكلبة …الحمدلله أني كنت موجود في الوقت المناسب”

ماثيز حاول يقطع السلسلة ولكنه فشل في ده

وده اللي قاله ل NBC News ….ولما فشل حاول يفك الطوق بتاع الكلبه اللي كان مقفول بقفل ولكنه نجح في الأخر.

“كان لازم اعدي ما بين كل الشعر ده الكلبة شعرها تقيل جدا ووصلت للقفل الطوق بصعوبة”

وفي الساعة اللي نزل فيها ماثيز الفيديو تلقى الآلاف من كلمات التشجيع والشكر على إنقاذه للكلبة

ولكنه طلب من الناس يبطلوا يلقوا اللوم على صاحبتها لأنها فعلا مكنتش عارفه تتصرف

وكويس أن حاجه زي دي حصلت علشان تتعلم بعد كده تشيلها وهي داخله من باب الأسانسير.

مصدر الخبر: https://www.independent.co.uk/news/world/americas/elevator-dog-video-rescue-leash-pomeranian-twitter-a9244431.html

احكيلنا لو مكان ماثيز كنت هتتصرف أزاي؟؟

كاليفورنيا أول ولاية أمريكية تمنع بيع الكلاب اوالقطط في محلات الحيوانات الأليفة

شاهد الخبر من هنا

مقالات ذات صلة